Michél
Raphiél
Uriél
Sáriel
Rumiél
Panchel
Gabriel
Michél dia Luain labraimsea;
Focheird mo menma airi.
Ni re nech nosamlaimsea.
Acht ré h-Iosu mac Maire.
Mad Mairtt, Raphiél radimsea, co tí in crich, dom chobuir;
In sechtmadh fer alimsea,
Céin uér ar tuár in domhuin.
Uriél lim i cCétáinib,
Int abb co n-uaisli ardi,
Ar guin ocus ar gábudh, ar threthan gaithi gairgi.
Sáriel Dardain labraimsea
Ar thonnuibh mera in mara,
ar cech nolc thic re duine,
A ar cech n-galar nodgobha.
Dia na haíne didíni.
Rumiél–rath reill–rocharus.
Ní abbair acht fírinne, maith in cara rogabus.
Panchel i sSatharnaib lim,
Céin beó arin mbith mbuide
Ni re nech nosamlaimsea.
Acht ré h-Iosu mac Maire.
Gabriel lim i n-Domhnaighibh
Is cumhachta ríg neime.
Gabriél lim hi comnaidi,
Nachamthí bét na bini.
In Trinoid dom anacul.
In Trinoid dom shnádud.
In Trinoitt dom shæradh.
Ar chach n-guin, ar gach n-gabud.